Asosiyasyon DKD

Dwa Pou m Konn Dwa m (DKD) se yon asosiyasyon ki ap milite nan kesyon dwa moun, pi presizeman nan fasilite sitwayen genyen aksè ak lwa ki ka pèmèt yo konnen dwa yo avèk dwa yo. Li difisil an Ayiti si yon moun pa gen lajou pou fè abònman avèk jounal ofisyèl peyi a pou yo konnen kisa k’ap pase nan kesyon lalwa. Sa vin fè ke se yon ti gwoup moun ki konnen kisa lalwa di an reyalite sou yon bann sijè ki fondamantal.

Ki donk, misyon nou se pou nou fasilite moun jwenn enfòmasyon jiridik san y opa genyen pou yo depanse. Se nan optik sa nou reyalize seyans fòmasyon, fè flyer motivasyon tanzantan pou moun kapab konnenn règ sa ko ki enpòtan anpil pou tout sitwayen nan yon peyi ta konnen.

Puiske lalwa vle pou tout moun gen menm dwa paske tout moun fèt egal, tout moun ta dwe tou gen menm chans pou yo jwenn jistis. Men sa pap ka rive fèt si gen yon pati ki nan linyorans. DKD se yon enstans ki kwè ke yon peyi pap janm ka byen fonksyone si pa gen yon bon jan sistèm jistis. Se sa kif è li antreprann lit sa pou non sèlman sitwayen yo gen aksè ak sa lalwa di, men tou ppou yo an mezi pou yo konprann sa ki di yo tou.

Kontak: 
Facebook: @dkdhaiti
Twitter: @dkdhaiti509
mail: dkdhaiti@gmail.com